Mkuu Wa Majeshi Akabidhiwa Ofisi

Posted On: Tuesday, 5th July 2022

Mkuu wa Majeshi ya Ulinzi, Tanzania Jenerali Jacob John Mkunda tarehe 05 Julai 2022 amekabidhiwa ofisi rasmi na aliyekuwa mtangulizi wake Jenerali Venance Salvatory Mabeyo ambaye amestaafu utumishi jeshini.

Jenerali Mkunda aliwasili Makao Makuu ya Jeshi (MMJ) muda wa saa mbili na nusu asuhuhi (0830) Jijini Dodoma na kukagua gwaride Maalum iliyoandaliwa kwa ajili yake ikiwa ndio mara ya kwanza kufika Makao Makuu ya JWTZ akiwaMkuu wa Majeshi na kisha kusalimiana na Makamanda na Wanadhimu wa JWTZ wakiongozwa na Mnadhimu Mkuu wa JWTZ Luteni Jenerali Haji Othman.

Mkuu wa Majeshi Jenerali Mkunda aliapishwa tarehe30 Juni 2022 baada ya kuteuliwa na Rais na Amiri Jeshi Mkuu Mhe Samia Suluhu Hassan kushika wadhifa huo kufuatia aliyekuwa Mkuu wa Majeshi Jenerali Venus Mabeyo kustaafu kwa heshima kwa umri.