TANZIA

Posted On: Friday, 4th May 2018

Mkuu wa Majeshi ya Ulinzi Jenerali Venance Mabeyo anasikitika kutangaza kifo cha Brigedia Jenerali Dagobert Komba (Mstaafu)kilichotokea tarehe 29 April 2018 katika Hospitali Kuu ya Jeshi, Lugalo jijini Dar es salaam.

Marehemu Brigedia Jenerali Komba (mstaafu) alizaliwa mwaka 1949 mkoani Ruvuma. Alijiunga na JWTZ mwaka 1971 na kutunukiwa kamisheni mwaka 1973. Wakati wa utumishi wake Marehemu Brigedia Jenerali Komba (mstaafu) alishika madaraka mbalimbali. Hadi anastaafu alikuwa Mkuu wa Tawi la Mipango na Maendeleo Jeshini(SPD).

Marehemu Brigedia Jenerali Komba(mstaafu) aliagwa tarehe 2 Mei, 2018 katika hospitali Kuu ya Jeshi, Lugalo na kusafirishwa kwenda Mbinga mkoani Ruvuma kwa mazishi yatakayofanyika leo tarehe 04 Mei 2018

Mungu ailaze Roho ya Marehemu mahali pema peponi. Amina