Wasifu

Masters of Science in Defence Analysis

Luteni Jenerali Yacoub Mohamed ni Mnadhimu Mkuu wa JWTZ wa 13 tangu alipoteuliwa tarehe 14 February 2018 na Rais na Amiri Jeshi Mkuu wa Jamhuri ya Muungano wa Tanzania wa awamu ya tano, Dk. John Pombe Magufuli.

Luteni Jenerali Yacoub Mohamed alijiunga na Jeshi la Ulinzi la Wananchi wa Tanzania tarehe 01 Januari 1982 na kuhudhuria kozi ya afisa mwanafunzi na kupata kamisheni tarehe 02 Septemba 1987 kuwa Luteni Usu.

Luteni Jenerali Yacoub Mohamed alihudhuria kozi mbalimbali za kijeshi ndani na nje ya nchi, baadhi ya nchi hizo ni Misri, Afrika Kusini, Marekani na Uingereza.

Luteni Jenerali Yacoub Mohamed katika kulitumikia Jeshi la Ulinzi la Wananchi wa Tanzania alishika nyadhifa mbalimbali ikiwemo Afisa Mnadhimu - Makao Makuu ya Jeshi, Afisa Mnadhimu - Ulinzi wa Amani UNMIS(Sudan), Afisa Mnadhimu Baraza la Usalama la Taifa, Mratibu Msaidizi Mkuu Baraza la Usalama la Taifa, Mkuu wa Chuo cha Ulinzi wa Taifa – Tanzania.

Luteni Jenerali Yacoub Mohamed ametunukiwa medali mbalimbali

• Miaka 20 ya JWTZ
• Medali ya utumishi mrefu.
• Medali ya miaka 40 ya JWTZ.
• Medali ya utumishi uliotukuka.
• Medali ya Comoro na Anjouan.
• Medali ya miaka 50 ya uhuru
• Medali ya miaka 50 ya muungano pamoja na
• Miaka 50 ya JWTZ.