Siku ya Majeshi

Tarehe 01 Septemba ya kila mwaka JWTZ husherehekea sikukuu ya Majeshi ikiwa ni ishara ya kuanzishwa kwake. Sikukuu ya Majeshi huwapa fursa ya kipekee Wanajeshi kufanya kazi mbalimbali za kijamii ikiwa ni pamoja na kutoa huduma za afya bure kwa wananchi, kushiriki katika michezo mbalimbali, kufanya usafi katika maeneo ya wazi na yale ambayo hutumiwa na wananchi kama vile masoko na vituo vya usafirishaji. Hayo yote hufanyika ikiwa ni sehemu ya maadhimisho ya kuanzishwa kwa JWTZ.