Jenerali Mabeyo awakutanisha Maafisa kwenye “Happy Hour”

Posted On: Friday, 20th April 2018

Mkuu wa Majeshi ya Ulinzi Tanzania, Jenerali Venance Mabeyo amekutana na Maafisa Wakuu na Maafisa Wadogo wa Makao Makuu ya Jeshi la Ulinzi la Wananchi wa Tanzania (JWTZ) tarehe 20 Aprili, 2018 wakati wa 'Happy hour' iliyofanyika katika bwalo la Maafisa Upanga jijini Dar es salaam.

“ Happy Hour” ni hafla fupi ambapo Mkuu wa sehemu husika hutumia fursa hiyo kukaa pamoja na Wafuasi wake na hukumbusha mambo mbalimbali ya kijeshi yanayoonekana hayaendi vizuri na kuwataka maafisa kuishi maisha ya kijeshi badala ya kuishi kwa tamaduni ambazo si za kijeshi.

Wakati wa hafla hiyo, Mkuu wa Majeshi amewataka Maafisa kudumisha mila, desturi na utamaduni wa Jeshi kwa kukutana na kupata huduma katika mabwalo ya Jeshi hilo.

Vilevile Jenerali Mabeyo amewataka Maafisa kudumisha nidhamu wakiwa katika majukumu yao ya kila siku.

Aidha, Maafisa hao walibadilishana mawazo na uzoefu mbalimbali wakati wa hafla hiyo