Jenerali Venance Mabeyo afanya ziara Shinyanga

Posted On: Monday, 15th February 2021

Mkuu wa Majeshi ya Ulinzi nchini,Jenerali Venance Mabeyo leo Februari 15, 2021 amefanya ziara katika Vikosi vilivyopo Kanda ya Shinyanga na kuzungumza na Maafisa na Askari wa vikosi hivyo.

Akizungumza na Maafisa na Askari wa Kanda hiyo, Mkuu wa Majeshi amewapongeza kwa kuendelea kudumisha nidhamu na kufanya kazi kwa weledi ili kuliwezesha Jeshi kufikia malengo yake.

Katika ziara hiyo Mkuu wa Majeshi amepata nafasi ya kuona shughuli mbalimbali zinazofanywa na vikosi vilivyopo kanda hiyo na kuwaasa waendelee kufanya kazi kwa bidii.