JWTZ latahadharisha wanaofanya utapeli

Posted On: Wednesday, 1st December 2021

Jeshi la Ulinzi la Wananchi wa Tanzania (JWTZ) limeonya vitendo vya utapeli vinavyofanywa na baadhi ya watu kuwarubuni vijana wanaotaka kujiunga na JWTZ kwa kupokea fedha zao.

Onyo hilo limetolewa na Kaimu Mkurugenzi wa Habari na Uhusiano wa JWTZ Luteni Kanali Gaudentius Ilonda alipokuwa anatoa ufafanuzi kwa waandishi wa Habari jijini Dar es salaam.

Kutokana na kadhia hiyo Luteni Kanali Ilonda aliwaomba wananchi kuwapuuza matapeli hao kwa kutokubali kudanganywa kwa kutoa fedha yoyote kwani JWTZ lina utaratibu wake wa kuandikisha vijana Jeshini.