JWTZ lawaaga Majenerali waliostaafu utumishi Jeshini

Posted On: Friday, 2nd March 2018

Jeshi la Ulinzi la Wananchi wa Tanzania leo tarehe 02 Machi 2018 limewaaga Majenerali waliostaafu utumishi jeshini.

Sherehe za kuwaaga Majenerali hao zimefanyika katika Kambi ya Twalipo Mgulani Jijini Dar es Salaam huku zikiambatana na gwaride rasmi lililoandaliwa kwa ajili yao.

Majenerali walioagwa leo ni aliyekuwa Mnadhimu Mkuu wa JWTZ Luteni Jenerali James Mwakibolwa (Mstaafu), aliyekuwa Mkuu wa JKT Meja Jenerali Michael Isamuhyo (Mstaafu), Brigedia Jenerali Aaron Lukyaa (Mstaafu), Brigedia Jenerali Martine Kemwaga (Mstaafu), Brigedia Jenerali William Kivuyo (Mstaafu), Brigedia Jenerali Emmanuel Kapesa (Mstaafu), Brigedia Jenerali Francise Njau (Mstaafu) na Brigedia Jenerali Elizaphani Marembo (Mstaafu).