Kikundi cha Ulinzi wa Amani JWTZ chashambuliwa na Waasi Jamhuri ya Afrika ya Kati

Posted On: Wednesday, 6th June 2018

Kikundi cha Jeshi la Ulinzi la Wananchi wa Tanzania (JWTZ) kinachoshiriki Ulinzi wa Amani nchini Jamhuri ya Afrika ya Kati kimeshambuliwa kwa kushtukizwa na kundi la waasi la Siriri katika kijiji cha Dilapoko Kusini Magharibi mwa nchi hiyo tarehe 03 Juni, 2018.

Wakati wa shambulizi hilo Maafisa na Askari wa JWTZ walijibu mapigo kwa ujasiri na kufanikiwa kuwashinda nguvu waasi hao.

Aidha, mapambano hayo yalipelekea Askari mmoja wa JWTZ kupoteza maisha na wengine 18 kujeruhiwa.

Mipango ya kuurejesha nyumbani mwili wa Askari aliyeuawa inafanywa na Umoja wa Mataifa .