Mnadhimu Mkuu wa JWTZ asisitiza kufanya kazi kwa juhudi, maarifa, nidhamu na weledi.

Posted On: Tuesday, 30th January 2018

Mnadhimu Mkuu wa Jeshi la Ulinzi la Wananchi wa Tanzania, Luteni Jenerali James Mwakibolwa amewataka Maafisa, Askari na Watumishi wa Umma wa Jeshi hilo kufanya kazi kwa juhudi, maarifa, nidhamu na weledi wakati wanapotekeleza majukumu yao.

Aidha Luteni Jenerali Mwakibolwa amesisitiza kuwa Wanajeshi wanatakiwa kubadilika kulingana na mabadiliko ya sayansi na teknolojia ili kuwa na Jeshi imara. Aliyasema hayo wakati akizungumza na Maafisa, Askari na Watumishi wa Umma wa Makao Makuu ya JWTZ, Dar es Salaam kwa niaba ya Wanajeshi wote nchini.