Mkuu wa Majeshi ya Ulinzi Burundi afanya ziara Makao Makuu ya Jeshi.

Posted On: Wednesday, 8th November 2017

Mkuu wa Majeshi ya Ulinzi Burundi Luteni Jenerali Niyongabo Prime leo Novemba 08, 2017 amefanya ziara ya kikazi Makao Makuu ya JWTZ Upanga Jijini Dar es Salaam, ziara hiyo imelenga kudumisha mahusiano yaliyopo baina ya Majeshi ya nchi hizi mbili.

Mkuu wa Majeshi huyo amepokelewa na mwenyeji wake Mkuu wa Majeshi ya Ulinzi Tanzania Jenerali Venance Mabeyo katika Viwanja vya Wizara ya Ulinzi na JKT na kukagua gwaride la heshima lililoandaliwa na JWTZ kwa ajili yake. Aidha baadaye alifanya mazungumzo ofisini kwa mwenyeji wake.