Rais Dkt. Samia awaongoza Watanzania kuwaenzi Mashujaa

Posted On: Tuesday, 25th July 2023

Rais na Amiri Jeshi Mkuu Mhe. Dokta Samia Suluhu Hassan amewaongoza Watanzania katika Maadhimisho ya Kumbukumbu ya Mashujaa yaliyofanyika viwanja vya Mashujaa Mtumba Jijini Dodoma.

Katika maadhimisho hayo Rais na Amiri Jeshi Mkuu Mhe. Dokta Samia Suluhu Hassan ameweka Mkuki na Ngao kwenye Mnara wa Mashujaa ikiwa ni ishara ya kuwaenzi Mashujaa wa nchi hii.

Mbali na Rais na Amiri Jeshi Mkuu kuweka Mkuki na Ngao pia Mkuu wa Majeshi ya Ulinzi Jenerali Jacob John Mkunda aliweka Sime ikiwa ni ishara ya kuwaenzi Mashujaa wa Tanzania.

Maadhimisho ya kumbukumbu ya Mashujaa hufanyika kila tarehe 25 Julai ya kila Mwaka ikiwa ni kuwaenzi Mashujaa waliomwaga damu kwa ajili ya taifa lao.